Sagradong Aklat 12 Spiritual Healing Massage mula sa mga Health Angels at Engkanto De Dios.

Sagradong Aklat 12

Spiritual Healing Massage mula sa mga Health Angels at Engkanto De Dios.

    Gawing bahagi ng ating buhay ang kapangyarihan at artistikong kaparaanan upang makagamot, makapagapagaling sa pamamagitan ng spiritual healing massage na may kasamang malalim na kaalaman, katalinuhan, pang-unawa at kasanayan.

Isa 61:1  Ang Espiritu ng Panginoong Dios ay sumasa akin; sapagka't pinahiran ako ng Panginoon upang ipangaral ang mabubuting balita sa mga maamo; kaniyang sinugo ako upang magpagaling ng mga bagbag na puso, upang magtanyag ng kalayaan sa mga bihag, at magbukas ng bilangguan sa nangabibilanggo;

Isa 61:2  Upang magtanyag ng kalugodlugod na taon ng Panginoon, at ng kaarawan ng panghihiganti ng ating Dios; upang aliwin yaong lahat na nagsisitangis;

Isa 61:3  Upang iukol sila na nagsisitangis sa Sion, upang bigyan sila ng putong na bulaklak na kahalili ng mga abo, ng langis ng kagalakan na kahalili ng pagtangis, ng damit ng kapurihan na kahalili ng kabigatan ng loob; upang sila'y matawag na mga punong kahoy ng katuwiran, na pananim ng Panginoon upang siya'y luwalhatiin.

Isa 61:4  At sila'y magtatayo ng mga dating sira, sila'y magbabangon ng mga dating giba, at kanilang huhusayin ang mga sirang bayan, ang mga nagiba sa maraming sali't saling lahi.

Isa 61:5  At ang mga taga ibang lupa ay magsisitayo at mangagpapastol ng inyong mga kawan, at ang mga taga ibang lupa ay magiging inyong mga mangaararo at mangungubasan.

Isa 61:6  Nguni't kayo'y tatawaging mga saserdote ng Panginoon; tatawagin kayo ng mga tao na mga tagapangasiwa ng ating Dios: kayo'y magsikain ng kayamanan ng mga bansa, at sa kanilang kaluwalhatian ay mangagmamapuri kayo.

Isa 61:7  Kahalili ng inyong kahihiyan ay nagtatamo kayo ng ibayong karangalan; at kahalili ng pagkalito ay magagalak sila sa kanilang bahagi: kaya't sa kanilang lupain ay mangagaari sila ng ibayong kasaganaan, walang hanggang kagalakan ang mapapasa kanila.

Isa 61:8  Sapagka't ako, ang Panginoon, ay umiibig ng kahatulan, aking ipinagtatanim ang pagnanakaw sangpu ng kasamaan; at aking ibibigay sa kanila ang kanilang kagantihan sa katotohanan, at ako'y makikipagtipan sa kanila ng walang hanggan.

Isa 61:9  At ang kanilang lahi makikilala sa gitna ng mga bansa, at ang kanilang lahi sa gitna ng mga bayan: lahat na nangakakakita sa kanila ay mangakakakilala sa kanila, na sila ang lahi na pinagpala ng Panginoon.

Isa 61:10  Ako'y magagalak na mainam sa Panginoon, ang aking kaluluwa ay magagalak sa aking Dios; sapagka't binihisan niya ako ng mga damit ng kaligtasan; kaniyang tinakpan ako ng balabal ng katuwiran, gaya ng kasintahang lalake na nagpuputong ng putong na bulaklak, at gaya ng kasintahang babae na naggagayak ng kaniyang mga hiyas.

Isa 61:11  Sapagka't kung paanong ang lupa'y nagsisibol ng pananim, at kung paanong ang halamanan ay nagsisibol ng mga bagay na natanim sa kaniya; gayon pasisibulin ng Panginoong Dios ang katuwiran at kapurihan sa harap ng lahat na bansa.

Oracion para tumalino at maintindihang mabuti ang tinuturo ng aklat na ito:

“Habang paparating ang bagong milenyo, ang kahalagahan natin bilang tao ay matutukoy lamang sa pamamagitan ng kakayahan nating maramdaman at maranasan ang kagandahan ng buhay sa kabila ng pagharap natin sa mundong nawawalan na ng sarili niyang karakter o pagkatao.

Ang “Spiritual Healing Massage” ay lagpas na sa inaasahan; pagdating sa pagsasagawa ng masahe na nakakatulong upang linisin at pagandahin hindi lamang ang sistema ng ating pisikal na katawan, kundi maging ang ating spiritual na katangian; maging ikaw man ang gagawa ng masahe o ikaw ang gagawan ng masahe.

Ang maingat na pagbabasa at tamang pag-intindi rito ay magtuturo sa inyo kung paano pagsasama-samahin ang iba’t ibang paraan ng pagmamasahe na may kasamang sagradong orasyon at ang kamangha-mangha nitong benepisyo sa ating katawan sa araw-araw nating pamumuhay.

“Ang masahe ay isang magaling na gamot, at sa tulong ng “Spiritual Healing Massage”, lahat tayo ay magkakaroon ng kamay na nakakapagpagaling, kung hindi man ay alam nating kung saan natin ito mahahanap at makatulong makagamot bilang misyon ng kabutihan sa ating kapwa tao.

Oracion para maging tama ang oras ng pagpapala sa isang bagay na gagawin.

----------------------------------------------

Mat 10:8  Heal the sick, bring the dead back to life, heal those who suffer from dreaded skin diseases, and drive out demons. You have received without paying, so give without being paid.

Ang “Spiritual Healing Massage” ay isang praktikal na patnubay sa kahit na sino man na may kagustuhang palawakin ang kakayahan nila magsagawa ng masahe, mula sa pagiging baguhan hanggang sa pagiging propesyonal.

Ito na ang tamang panahon upang maunawaan ng tao ang magandang benepisyo ng masahe. Ang aklat na ito ay nagpapakita ng praktikal na paraan upang ang lahat ay matulungang mabawasan ang kanilang stress o alalahanin at pahabain pa ang kanilang buhay sa pamamagitan ng isang simple at eleganteng masaheng nakakapagpagaling na sinasamahang ng pambuhay na orasyon maging ng mga pampalakas at pag rejuvenate na dasal.

Orasyon para ma-rejuvenate ang spiritual massage therapist ng lumakas ang aura at maka gamot bago magbigay ng healing massage.

Ang masahe, kung maisasagawa ito ng tama, ay makakatulong upang palayain at pag-aanin ang pakiramdam ng ating katawang laman, muling buhayin at palakasin ang ating espirito at kaluluwa.

Ang mabuting paraan ng pagmamasahe ay ang tanging lunas sa anumang nagbibigay karamdaman o nagpapasakit sa iyo.

1Ki 13:6  At ang hari ay sumagot, at nagsabi sa lalake ng Dios, Isamo mo ngayon ang biyaya ng Panginoon mong Dios, at idalangin mo ako, upang ang aking kamay ay gumaling. At idinalangin ng lalake ng Dios sa Panginoon, at ang kamay ng hari ay gumaling uli, at naging gaya ng dati.

Oracion: Para maging efektivo at maintindihan ang mga itinuturo.

Marahil, ang pinakamagandang dulot ng masahe ay ang katotohanang ito ay nagbibigay kaluguran at ginhawa sa lahat at maging sa sinumang mayaman sa mundo. Ang sagradong aklat na ito ay magpapakita ng dose-dosenang kaalaman upang tulungan ka na makamit ang kapayapaan ng kalooban at magkaroon ng bagong antas ng pagkatao.

"Ang mga doktor ng hinaharap ay hindi na masyadong magbibigay ng gamot bilang reseta sa pag-galing ng kanyang pasyente, kung hindi magtuturo na kung paanong maaalagaan ang kanyang katawan, tamang pagkain, mga dahilan at kung paano maiwasan ang anumang karamdaman”

Para sa mga taong nakatuklas na nito, ang masahe ay isa sa pinakamahusay na bagay sa ating planeta. Ito ay mainam na paraan upang gumanda ang pakiramdam, hitsura, at ito rin ay nakakatulong upang tratuhin ng mas maayos ang ibang tao maging ang ating sarili.

Ito ay isang daang porsiyentong mabuti para sa iyo nang hindi gumagamit ng kahit anung artipisyal na sangkap at ito ay madaling gawin. Sa katunayan, ang isa sa pinakamagandang bagay sa masahe ay hindi ka mangangailangan ng mamahaling kagamitan upang maisagawa o makapagbigay nito. Ang tanging kailangan mo lamang upang makapagsimula ay ang katawan ng tao.

Ang paghaplos at pagmamasahe sa ibang tao na may intensyon na makapagbigay ng ginhawa sa kanilang pakiramdam at mapabuti ang kalidad ng kanilang pamumuhay ay isa sa kapaki-pakinabang na paraan upang gamitin ang oras ng iyong buhay dito sa lupa bilang isang tao. Ang masahe ay higit pa sa isang trabaho; ito ay isang tungkulin, kabutihan o misyon.

2Ki 20:1  Nang mga araw na yaon ay may sakit na ikamamatay si Ezechias. At si Isaias na propeta na anak ni Amos ay naparoon sa kaniya, at nagsabi sa kaniya, Ganito ang sabi ng Panginoon, Ayusin mo ang iyong bahay; sapagka't ikaw ay mamamatay, at hindi mabubuhay.

2Ki 20:2  Nang magkagayo'y kaniyang ipinihit ang kaniyang mukha sa panig ng bahay, at nanalangin sa Panginoon, na nagsasabi,

2Ki 20:3  Idinadalangin ko sa iyo, Oh Panginoon, na iyong alalahanin, kung paanong ako'y lumakad sa harap mo sa katotohanan, at may dalisay na puso at gumawa ng mabuti sa iyong paningin. At si Ezechias ay umiyak na mainam.

2Ki 20:4  At nangyari, bago si Isaias ay lumabas sa pinakaloob ng bayan, na ang salita ng Panginoon ay dumating sa kaniya, na nagsasabi,

2Ki 20:5  Bumalik ka uli, at sabihin mo kay Ezechias na pangulo ng aking bayan. Ganito ang sabi ng Panginoon ng Dios ni David na iyong magulang, Aking narinig ang iyong panalangin, aking nakita ang iyong mga luha: narito, aking pagagalingin ka: sa ikatlong araw ay sasampa ka sa bahay ng Panginoon.

Oracion: Para maabot at marating ang mga pangarap patungo sa pagtatagumpay kahit na maraming pagsubok.

Upang makapagbigay ng magandang masahe, ibulong mo ang mga nakakapag pagaling na orasyon, nangangailangan ng pagsisikap at spiritual na enerhiya. Mas maisasagawa ito ng mabuti kung ang iyong pag-iisip ay handa para hindi maging sanhi ng sobrang kapaguran. Dapat malakas ang sariling shield at protection o edeus para hindi ma higup ng minamasahe ang iyung energiya. Kaya palakasin muna ang aura sa pamamagitan ng shield prayer at usalin ang pater na pambuhay ng life force ng katawan mo.

Oracion para sa Kagalingan sa anumang karamdaman

MASAHE PARA SA MAS MAGANDANG KALUSUGAN AT KASIYAHAN

Ang masahe ay hindi lamang simpleng paghaplos, ito ay makakatulong upang mas pagandahin pa ang iyong buhay

-Ito ay may mas malalim pang dahilan upang isama sa ating buhay, mga dahilang may mas malalim na implikasyon para sa mas maayos na kalusugan, ng pagkatao at mas mahabang buhay.

Oracion para sa Instantaneous Healing for Pain

Oracion para sa

Stronger Lazer

Instantaneous Healing for Pain

Mga Pangunahing Benepisyo ng Masahe

Paano nakakatulong ang masahe sa mga tao upang baguhin ang kanilang buhay at pagalingin ang kanilang sarili.

       

ü Nagpapaganda ito ng daloy ng dugo sa ating buong katawan

ü Pinalalakas ang energy force ng ating katawan

ü Ginagamot nito ang mga nasirang tissues

ü Pinapalusog nito ang ating kutis

ü Ito ay nakakapagbigay ng mapayapang pakiramdam

ü Nakakapagpabawas ito ng mga alalahaning pangemosyonal

ü Pinapaganda hindi lang ang loob kundi pati ang panlabas na hitsura ng katawan.

Oracion para sa Fast tract Charging ng mamasahihen

Dahil pahaba ng pahaba ang oras ng tao sa kaniyang  trabaho na pupwersa ang ating katawan ng hindi natin namamalayan. Ang paulit-ulit na ginagawang pagkilos ay nakapag bibigay na ng strain maging ng pinsala sa ating katawan.

Maging sa pananaliksik ay napatunayan na ang masahe ay may malawak na hanay ng mga benepisyo at  ang mga manggagawa na madalas mamasahe ay mas magandang mag trabaho, alerto at bawas ang stress kaysa sa mga trabahador na hindi na mamasahe.

Ito pa ang mga benepisyo ng masahe:

1. Nakaka alis ng stress
2. Nagpapabuti ng konsentrasyon at lumilinaw ang pag iisip
3. Nag papaginhawa ng tensyon sa mga muscles at sa paninigas nito
4. Pinatataas ang flexibility ng mga joint at ang lawak ng pag galaw nito
5. Tumutulong maiwasan ang paulit-ulit na pinsala sa katawan
6. Nagpapabuti ng sirkulasyon ng dugo at lymph
7. Nag papump ng oxygen at mga nutriets sa ating mga tissues at mga vital organs
8. Pinagbubuti ang kalagayan ng pinakamalaking organ ng katawan - ang balat
9. Pinalalakas ang immune system
10. Tumutulong mabawasan ang mga tensyon kaugnay ng mga sakit ng ulo maging sa epecto ng panlalabo ng mata

Oracion para sumigla at maayos ang variations ng mga Charges ng minamasahe.

Siyempre ang isa sa mga pangunahing benepisyo ng masahe ay ang simpleng katotohanan na makakaramdam ka ng matinding ginhawa, lalo na kapag ito ay ginawa ng isang sanay ng taga masahe na nakakaalam ang tamang aplikasyon tamang lakas para gumihawa ang pagod na katawang lupa.

Tumutulong itong bawasan ang tensyon at pananakit ng ating mga muscles habang nalilinis ang ating kaisipan mula sa iba’t-ibang alalahanin.

Isa sa mga direktang epekto ng masahe ay ang mabawasan ang tensyon na nararamdaman natin kapag nagkakaroon ng pagbubuhol buhol o pananakit ang ating mga muscles. Ito ay makakamit sa pamamagitan ng ilang paraan:

Ang paglalapat ng presyon sa katawan ay nagbibigay kamalayan sa atin na ang isang bahagi ng katawan ay may tensyon at dahil dito ang taong minamasahe ay matutulungang mailabas ang tension na ito.

Sa pamamagitan ng paghagod sa isang bahagi ng katawan, lumilikha ito ng init na nagpapalambot sa matitigas nating tissues.

Sa pamamagitan ng paghaplos at pagmamasahe kasabay ng pag usal ng mga orasyon sa ilang bahagi ng katawan, ang ating mga nerves ay lumalambot at natutulungang mabawasan ang paninigas ng mga ito.

Oracion

Pang-hilum sa mga sugat spiritual pang-tunaw din sa mga bukol

Ang masahe rin ay tumutulong upang dumaloy ang dugo sa mga parte ng katawan na nagkukulang sa sapat na daloy ng dugo, at dahil dito mas maraming oxygen at nutrients ang nakakapasok sa loob ng ating tissues.

"Karamihan sa mga gamot na nabibili over-the-counter at halos lahat ng gamot na inireseta ay itinatago lamang ang sintomas ng sakit upang ito ay hindi na maramdaman. Binabago nito ang natural na pag-laban ng mga organs tulad ng sistema ng sirkulasyon. Madalas ang mga gamot na ito ay hindi nakakagamot kung bakit nagkaroon ng karamdaman, ngunit nakakalikha pa ng mga bagong sakit na tinatawag na side effects. "

Orasyon para mabawasan ang side effects ng mga synthetic drugs at mabuhay ang life force nito para makagaling ng mga sakit.

Tumutulong rin ang masahe upang dumaloy ang dugo na sagana sa sapat na nutrients sa mga parte ng katawan na nagpapagaling mula sa isang karamdaman, at dahil ito ay nakakaalis ng toxins o lason sa dugo, ito ay tumutulong para mas madaling gumaling mula sa karamdaman.

May ilang uri ng masahe na nagpapabanat at nagpapalambot sa mga parte ng katawan na may mga nasirang tissues. Tumutulong ito upang mas mabilis na bumalik ang natural na kakayahan ng tissue na bumalik sa normal niyang hitsura at lakas.

 Oracion para magamot ang mga nasirang tissues:

Mas makikita sa ating kutis ang magandang epekto ng masahe. Ito ay nagpapakinis, nagpapabuhay at mas pinapagana ng maayos ang ating kutis sa pamamagitang ng pag-aalis ng patay ng cells. Sa pamamagitan nito, mas nasisipsip o naabsorb ng kutis ang moisture, nutrients, vitamins at ilan pang mahahalagang elementong kinakailangan ng ating kutis; lalo na kung isinagawa ang masahe sa tulong ng creams, oils at lotion.

Pambuhay na dasal sa mga creams, oils, lotions at iba pa.

Dahil dito, ang masahe ay tumutulong upang makahinga ang ating kutis gaya ng ating baga. Para maging malusog ang ating kutis, kinakailangan nitong makahinga ng papaloob at papalabas at ang pagmamasahe ang pangunahing makakatulong upang mangyari ito.

Ang pagsasagawa ng masahe sa pamamagitan nang pag-aalay ng tuloy-tuloy, bukal sa loob at may kasamang pag-aalaga na haplos ay pinakamagandang paraan upang makapagbigay ng pangunahing kailangan ng tao noon pa man; ang  magaang na pakiramdam pang-emosyonal.

Ang paulit-ulit na pagsasagawa ng breathing at concentration exercises, ay nakakabawas ng malaki sa level ng ating stress. Ang masahe ay para na rin nagbigay ng isang bakasyon sa loob ng iyong katawan kung saan makakaramdam ka ng maaliwalas at magaang na pakiramdam.

Nagpapaganda ng panlabas na hitsura

Ang kombinasyon ng iba’t ibang masahe ay nag-iiwan ng mas magandang hitsura mula sa dati nilang hitsura. Sa ganitong paraan, ang masahe ay nakakapagpaganda kahit pa sa taong may hindi kaaya-ayang hitsura.

Sa kahit sino na hindi gaanong kaaya-aya ang panlabas na hitsura, maari pa rin maging kaakit-akit lalo na kung sila ay:

ü  Walang alalahanin

ü  Malusog

ü  May mamula-mulang kutis dahil sa magandang sirkulasyon

ü  Mabilis na pagaling mula sa anumang pananakit na nararamdaman sa katawan

ü  May makinis na kutis

ü  May tiwala sa sarili

ü  May payapang kaisipan

Sino ang makakatiis sa isang taong tulad nito?

Sino ang maaaring pigilan ang isang tao tulad ng nito?

Rehabilitative massage

Ang ganitong uri ng masahe ay tumutulong sa katawan upang ayusin ang kaniyang sarili. Maraming tao ang nakatuklas na ito ang pangunahing solusyon upang matulungan ang katawan na gumaling nang mas mabilis at makabalik sa normal na nitong gawain matapos ang ilang posibleng injuries at operasyon.

Esthetic massage

Lahat naman tayo ay nagnanais na magmukhang kaakit-akit sa abot ng ating makakaya at ang masahe ay nakakatulong dito. Ang masahe ay nagpapalambot ng ating kutis at nagbibigay ito ng malusog na hitsura ng ating balat. Nakakatulong rin ito upang mabawasan ang ilang iregularidad gaya ng sobrang taba na naipon sa ilalalim ng ating balat.

May mga taong isinasama ang masahe na parte na ng kanilang pamumuhay upang magpaganda, mapabata ang kanilang hitsura.

Ang pag-unawa sa lakas na nagmumula sa sistema ng katawan, ang pag-tutok kung paano balansehen at mas palakasin ang ating hindi nakikitang enerhiya sa loob natin ay mga teknik na isinasagawa na noon pang unang panahon gaya ng acupressure .

Masahe upang magkaroon ng mas mataas na kamalayan

Karamihan sa atin ay naninirahan sa ating katawan na wala man lang masyadong malalim na pag-iisip ukol dito. Tayo ay umuupo, naglalakad, humihiga bilang piloto ng ating katawan at tayo ay umaasa lamang sa mga luma nating nakagawian ng tayo’y mga bata pa. Kung minsan, tayo ay negatibong naapektohan ng pinsala o injury sa ating katawan na nagpipigil sa atin na gawin ang mga dati nating kayang gawin. Pakiramdam natin, tayo ay nakulong na sa mga pinsalang ito at hindi na tayo makakaalis pa.

Ang masahe ay nakakatulong upang magkaroon tayo ng mas mataas na kamalayan kung paano makakawala sa tensyon na dulot ng ganitong sitwasyon at tinutulungan tayo na maibalik ang ating tiwala sa sarili at ilabas ang negatibong pananaw sa itsura ng ating katawan.

Kahit na sinasabi ng medisina na ang iyong sakit ay wala ng kagalingan o lunas.

At pinapayong ang opsiyon mo lang para mabuhay ay ang umasa sa mga gamot na nakakalikha ng iba’t-ibang side effects, merong pag-asa para mabaligtad ang kondisyong ito sa pamamagitan ng spiritual healing massage.

Spiritually oriented massage

Ang anumang uri ng masahe ay maaring maging isang espirituwal na karanasan depende sa kung paanu mo damahin ang masahe. Ang tanging kailangan mo lamang ay ang dalawang tao na nakapokus sa iyong kamalayan, paghinga at may simpatiya sa iyong pakiramdam.

Ang masahe ay maaring gamitin sa sumusunod na paraan:

1. ito ay maaring makatulong sa meditasyon, ang mabuting masahe ay nagbibigay ng isang tahimik na kaisipan at tumutulong upang maalala ang mga mahahalagang bagay sa iyong buhay.
2. ito rin ginagamit ng mga ministro, madre at ibang pang miyembro ng simbahan o relihiyon upang makapagpagaling.
3. ang mga practitioners gaya ng taoist  at buddhist ay pinag-aaralan ang iba’t ibang sining ng pagmamasahe at isinasagawa ito sa kanilang mga templo.

Masahe para sa emosyonal na paglago

Ang pagpapamasahe ng may halong pag-aalaga, at intensyong makapagpagaling ay nagbibigay ng isang mataas na antas ng maturidad sa isang tao.

Maraming uri ng masahe ang nilikha upang magbigay daan sa mga isyu na pangkaisipan at bigyan ito ng kaliwanagan. Ito ay subok na, lalo na sa mga taong may pinagdaanang matinding traumang pang-emosyonal tulad ng pang-aabuso at negatibong pagtingin sa pisikal na kaanyuan dahil sa kapansanan.

Ang mabuting pagmamasahe ay isinasagawa kasabay ng paghaplos at paggamit ng makapangyarihang halamang gamot at mga orasyon. Ang pagkakaiba ng karaniwang paghaplos lamang at paghaplos na may intensyong magpagaling, minsan ay gaya ng pagkakaiba ng buhay at kamatayan. Ang tamang paghaplos ay napatunayan nang nakakapagpapagaling.

Bagaman ang masahe sa kabuuan ay nakakapagbigay kasiyahan, ito rin ay paraan upang matulungan ang mga tao na magkaroon ng mahusay na pakiramdam sa iba’t ibang antas.

Ang masahe ay hindi lamang binuo upang ibalik ang pagalaw at mawala ang pananakit ng katawan. Ito rin ay naging paraan na upang itaas ang antas ng kamalayan at minsan daan na rin ito upang maabot ang iyong espiritu.

Oracion upang tumaas ang antas ng kamalayan: