SAGRADONG AKLAT 9

SAGRADONG AKLAT 9

   Sa Sagradong Aklat na ito bibigyan tayo ng kaunting kaalaman kung bakit at paano nakaka-apecto ang bawat letra ng iyong pangalan pati na ang araw ng iyong kapanganakan sa iyong karakter, personalidad at kapalaran. Pag-aralan ang masuwerteng araw sa bawat numero na prominente sa iyong buhay. Alamin ang numerong magbibigay ng magandang kaginhawaan sa iyo.

    Matutong mag-analyze ng mga pangalan. Tilad-tilarin ang bawat letra. At matutuklasan mo kung saan itinuturo ang tamang daan para maging matagumpay.

    Ang buhay ng isang tao ay parang libro na may maraming kabanata. Marami na ang nangyari sa buhay natin ang hindi natin inaakalang mangyayari. Mula sa kawalan ay may biglang kaligayahan ngunit pag-minsan ay kalungkutan. Maging ang iyong mga panaginip ay konektado sa pagka-panalo mo sa anumang sugal.

    Ito ang isa sa ,mga susi upang malaman mo ang maraming bagay tungkol sa iyong buhay. Ang combinasyon ng iyong pangalan, apilyedo at ang araw ng iyong kapanganakan ay maghihiwalay sa iyo upang makilala mula sa ibang tao. Ang nakatagong kapangyarihan at mga solution sa mga problema ay maiaayos kung makukuha ang tamang kasagutan.

    Ang pangalan mo ay binigay ng iyong mga magulang. Ngunit sino ang nagbigay sa kanila? Ano ang naka-inpluensiya sa kanila upang ito ang idikit sa katawang lupa mo? Ang aspelyido mo ay pinamana ng iyong Ama sa Laman. Ang kaarawan ng iyong kapanganakan ay itinakda ng Great Mathematician sa lahat ang Dios Ama.

    Diyan nakadikit ang iba’t ibang nangyayaring kapangyarihan sa bawat kabanata ng iyong buhay. Importante ang mga numero sa araw ng iyong kapanganakan maging ang kombinasyon ng bawat letra sa iyong pangalan at apelyido.

    Ang sinasabing “Know Thyself” na mula sa matatalinong tao ay dapat sundan sa pamamagitan ng pagbukas ng susi sa pangalan mo at sa araw ng iyong kapanganakan. Daan ito para sa mas matatag na pagmamahalan, kulusugan, kaligayahn at maging sa material na kalayaan pati na rin sa katalinuhan.

    Manalanging ng taimtim. Alaming mabuti kung ikaw ay pinapayagan ng Tatlong Persona, ni Mama Mary at ng lahat ng mga Angel na sumali sa ganitong operasyon. Humingi at humiling ng Divine Permission.

    Bago sumali, sumama at pumasok sa ganitong pagsusugal ay ipinapayong nasunod na at nagawa na lahat ang iba’t ibang kaalaman at paraan na ginagawa ng miyembro ng DTEF (Divino Third Eye Fellowship) upang siguradong maiwasan ang anumang mis-interpretation o pagkalulong at magkaroon ng ispiritwal na bira na magiging sanhi ng kahirapan.

Paalaala at Tagubilin: Nararapat na nabasa at naka-Panalangin gamit ang Divino Third Eye Fellowship Prayer HandBook bago sumali sa Treasure Hunting Operation.

Babala: Ang hindi pag-sunod sa Divinong paalaala ay nangangahulugang walang pananagutan ang DTEF sa anomang kahihinatnan ng sasama saganitong gawain.

Palakasin ang aura at pananampalataya pati ang katawang Lupa bago gumalaw sa mundo ng Gambling o pagsusugal sa pamamagitan ng pag-gamit ng Biblia, Divino Third Eye Fellowship Prayer Handbook, Mga Makapangyarihang Dasal, DTEF Capsules, Kabal, Atardar, Mga Efod (Mahal na Panturo, Mahal na Kwintas, Third Eye, Third Ear,  Second Mind, Mahal na Baston, at  mga bahagi ng kamay) sa mga Pagtatanong, paggamot, at sa pagtupad ng Divinong Hustisya. Gamitin ang iba’t ibang paraan, kagamitan at iba’t ibang sandata upang magamit ng tama ang lahat ng Regalong ipinagkaloob ng Tatlong Persona, Mga Divinos at ni Mama Mary.

     Sundin ang lahat ng Do’s and Don’t ng inyong regalo upang maiwasan ang anuman pagkalulong at maging matagumpay sa gagawing operasyon.

    Gamitin ang iba’t ibang regalo at iba’t ibang gamit upang malaman at matanggap ang kanilang pagsang-ayon. Huwag tangkaing baguhin ang kanilang kasagutan. Isang palatandaan ng kahit maliit na hindi pagsang-ayon ay nangangahulugang hindi ka nila pinapayagan. Tandaang nauuna nilang nakikita ang susunod na kabanata ng iyong buhay na maaaring mag-resulta sa hindi kanais-nais na pangyayari sa oras na ikaw ay sumuway sa kanilang kagustuhan. Mag-shield at mag-charge.

   Bago pumasok sa mundo ng pagsusugal sapagkat ang buhay naman ng tao ay para na ring sugal ipinapayong kilalanin munang mabuti ang sarili. At magkaroon ng kahit konting kaalaman sa mystico ng mga susi ng numerology. Bago mo kasi madesisyonan kung saan ka tutungo alamin mo muna kung nasaan ka sa ngayon.

    May kapangyarihan at magic sa pangalan ng isang tao. May katalinuhang nakatago sa bawat pangalan. Halos nakatakda ang inpluensiya ng kapalaran, sa suwerte o malas para maging destinasyon ang pangalan at araw ng iyong kapanganakan.

    Ang pagtatagumpay at ang kaligayahan ay mapapasa iyo kung alam mo sa buhay mo ang mga kaibigang kapangyarihan na naka-harmonize sa iyong pinagmulan o pinanggalingan at least 100 years bago ka isilang sa lupa. Maalis ka sa pagkakakulong at lalawak pa ang capabilidad.

Panuntunan sa pag-alam ng importanteng numero

     Ang pagtuklas ng numerong suwerte sa iyo ay susi sa pagtatagumpay at kaligayahan. Ang numero ya mahalagang bahagi ng iyong buhay. Unibersal ang kapangyarihan ng numero. Sa pamamagitan ng mysticong numerology malalaman mo ang karacter ng isang tao.

    Bawat isang tao ay may apat na importanteng numero: una, ay ang kanyang pangalan, pangalawa, ang kanyang apelyido, pangatlo ay ang kanyang kaarawan, pang-apat ay ang kanyang dapat na maging trabaho o vocation.

    Meroong siyam na importanteng numero sa Mysticong Numerology: 1, 2, 3, 4, 5, 6, 7, 8, 9. Bawat numerong ito ay puwedeng gawing simple at maging pinaka-importanteng numero. Halimbawa; kunin ang mga numerong 1-8-7-4-6, iadd mo itong lahat, ang kabuuan ay 27. I-add mo uli ang 2 at 7, at lalabas ang importanteng numerong 9.

Ano ang mga numerong mahalaga sa iyo?

    Sa mysticong numerology bawat halaga ng letra ay dapat nakatapat sa ganitong destination na dapat niyang pag-mulan.

1    2    3    4    5   6    7    8    9

A   B   C   D   E   F   G   H   I

J    K   L   M  N   O   P   Q  R

S    T   U   V   W  X   Y   Z

Jan=1 Feb=2  Mar=3   Apr=4

May=5  June=6  July 7 Aug=8

Sept=9 Oct=10 Nov=11 Dec=12

    Hanapin natin halimbawa ang importanteng numero na nakaka-apecto kay John Mores, pinanganak noong Aug. 15, 1897.

    Unahin ang kanyang pangalan: (J)1, (O)6, (H)8, (N)5; i-add ang mga numero ang kabuuaan ay 20, 2+0= 2 kaya ang pinaka-importanteng numero sa pangalan nya ay 2.

    Pangalawa, kunin ang kanyang family name o apelyido: (M)4, (O)6, (R)9, (E05, (S)1; i-add ang mga numero ang kabuuan ay 25. Ang numerong 2 at 5 ay i-add kaya ang pinaka-importanteng numero sa apelyido niya ay 7.

    Pangatlo, ang kanyang kaarawan ng kapanganakan, Aug. 15, 1897. sa numero ito ay lalabas na 8-15-1897. August bilang ika-8 na buwan sa bawat taon.  I-add ang mga numerong 8-1-5-1-8-9-7= 39. Ang numerong 3 at 9 ay i-add kaya ang total ay 12. I-add muli 1 at 2 kaya ang pinaka-importanteng numero sa kaarawan niya ay 3.

    Nakarating tayo sa pang-apat ang kanyang dapat na career, trabaho o vocation. Sa pamamagitan ng pag-a-add ng importanteng numero mula sa pangalan niya, sa apelyido niya at ng birthday niya na 2-7-3= 12. I-add muli ang 1 at 2 kaya ang vocation numero niya ay 3.

    Para mabasa ang mysticong numerology ni John Mores babasahin ito sa susunod na mga pahina. Pangalan 2; Apelyido 7; birthday 3, vocation ay 3.

Mga numerong scientifico na sinama sa lakas ng mysticong numerology.

Swerte at mga hindi swerteng araw ayon sa matatandang guro ng makalumang panahon. Ihalo ang formulas ng metragrammatism, ang sining ng pag-compute ng swerteng kapalaran sa araw at oras ng iyong pag-silang at ang bilang ng bawat letra at kahulugan ng iyong pangalan.

METRAGRAMMATISM

Isang artistikong paraan ng mga bumabasa sa pamamagitan ng paikot-ikot na enerhiya at vibrations sa letra ng mga pangalan ng tao.

  Pinatutunayan at nalalaman ng mga sinaunang sangkatauhan na ang pangalang ibinibigay sa isang bata matapos siyang isilang at idinugtong sa kanilang apelyido ay siya ring pangalan niya hanggang kamatayan maaari lamang itong madadagan kung ang bata ay isang babae.

 Sa ibinigay na pangalan ng kanyang magulang magkakaroon ng nakatakdang destinasyon, pangyayari at kapalaran ang isang tao. Maaaring napasuwerte niya sa anumang bagay na kanyang pasukin o napakamalas niya sa anuman niyang pasukin dito dapat na marunong siya sa pagbabasa ng oras, araw na mababago ng kanyang kapalaran vis a vis sa kanyang pangalan.

   Kaya ipinapayong pag-aralang mabuti ang ibibigay na pangalan sa isang bata. Maglaan ng mahabang pagsasaliksik sa kahulugan nito. Pag-aralan ang astrological divination upang maiwasan ang hindi magandang kapalaran

Dapat mapili nila ang pangalang ma-swerte ang diskripsyon lalo na pagka-idinugtong ito sa kanilang apilyedo.

  Nararapat pag-aralan ang sikretong inpluwensiya ng mga bituin, maging ang mga kometang darating na kumikinang sa panahon ng kanyang kapanganakan at ang lakas ng enerhiya maging ang vibrations ng pangalang ibibigay para makita agad ang magiging takbo ng kanyang buhay.

   Sa pangalang ibinigay makikita agad kung siya’y magiging matalino o magiging isang dakilang tao. Ito’y pinatutunayan ng mga astrologers at maging ng mga sinaunang manunulat.

  Mahalaga ang mistikong kahulugan ng isang pangalan. Ang iyong pangalan ay may koneksiyon sa iyong magiging kapalaran. Tuklasin ang kahulugan nito.

    Pag-aralan ang pag-gamit ng ibat-ibang kombinasyon ng bawat araw sa iyong pangalan at sa iyong kapanganakan upang matuklasan kung suwerte ka sa araw na ito upang tumaya, magnegosyo o ma-involve sa Treasure hunting. At kung ito naman ay may kamalasan para sa itinakda sa iyong pangalan paano mo ito makokontra.

    Ayon sa matatandang astrologers :

Ang isang batang ipinanganak sa araw ng Linggo ay magkakaroon ng mahabang buhay at madali para sa kanya ang yumaman.

    Ang isang batang ipinanganak ng Lunes ay magiging mahina at kulang sa lakas. Kaya dapat niya itong makontra sa pamamagitan ng ehersisyo at pagkain ng masustansiyang mga pagkain.

    Kung siya naman ay ipinanganak ng Martes masasabing hindi siya ganoon ka-swerte ngunit sa pamamagitan ng hindi ordinaryong pagtitiyaga ay mapagtatagumpayan niya ang kanyang mga pagnanasa na kung saan siya susubukan. Subalit kung hindi siya magiging maingat may panganib na mamatay siya sa isang bayolenteng insidente.

    Ang batang ipinanganak ng Miyerkoles ay tinakdaan na maging pala-aral sa pamumuhay at aani siya ng magandang buhay kung gagawin ito. At posibleng maghirap siya kung hindi magkokoncentrate sa kanyang pag-aaral.

    Ang isang batang ipinanganak ng Huwebes ay mag-aani ng dakilang karangalan at dignidad.

    Ang bata namang ipinanganak ng Biyernes ay may malakas at matibay na pagkatao ngunit siya masyadong magmahal at matinding umibig.

    Pag-isinilang ka sa araw ng Sabado, ikaw ay may mabigat, nakakainip at napakabagal na disposition.

    Nasusulat din sa mga matatandang record ng kasaysayan na maaari mong ma-inpluwensiyahan kung ang araw ay malas para sa iyo at gawin itong swerte. Magagawa mong suwerte ang iyong araw kung tataya ka sa numerong nasa gitna ng iyong kaarawan at kasalukuyang panahon ngunit dapat bilog ang buwan sa gabi.

    Maging sa ikakasal magandang date ang 7^th, 9^th, at 12^th ngunit dapat nakatapat sa araw ng lunes, miyerkoles, huwebes at biyernes. At sa panahong ito dapat papalinaw ang sinag ng buwan.

    Marso ang swerteng buwan sa pagpapatayo ng bagong bahay ngunit hindi  magandang magpa-blessing nito kasabay ng kaarawan ng may-ari nito.

    Huwag na huwag mong ikukwento ang numerong ilang beses mong napapanaginipan bago ka pa mag-almusal nakokontra ang dala-dala nitong swerte kahit na sa pinakamatalik mong kaibigan.

    Kung may ipinakikitang numero sa iyo at napapanaginipan mo ito ng tatlong beses sa gitna ng alas dos at alas kuwatro ng madaling araw napakagandang payo ito mula sa isang matinding malasakit kaya dapat mong ilista ito at tayaan na.

    Marami na ang nagtagumpay sa sugal sa pamamagitan ng pag-gamit ng kaalamang Engkanto De Dios sila ang matinding nakinig, nag-aral, nagcompute upang marating ang kanilang sikretong pagtatagumpay.

    Ito naman ang listahan ng mga napaka-swerteng oras sa pagtaya. Ikonekta ito sa oras at araw ng iyong kapanganakan maging ng numero sa bawat letra ng iyong pangalan.